कार्ला गड, पुणे मुंबई प्रवासातील मळवली स्टेशन जवळ. अनेक समाजाची ही देवता. कायस्थ समाजाची कुलस्वामिनी.

आई तुझी लोणावल्याची वाट।
आई तुझे मलवली ठेसन।
आई तुझा गुल्लालू डोंगर।

कडापे, माणगांव जवळ निजामपूर मार्गे. कुळकर्णी, रणदिवे, कारखानीस, पालकर, देशमुख, गरुडे ह्या आडनावाची ही कुलस्वामिनी.

ही अगाध महिमा लीला । नवस दाविला । माऊली तुला।
जय जय देवी जय बोला।।

मुंबई महाड मार्गावर कोलाड वरसगांवावरुन 4 मैलावर तिसे गावात जननीचा डोंगर. दिघे, देशपांडे यांची देवता.

डहाणू येथील देवी. गडकरी, वाकसकर, घोसाळकर यांची देवी.
करवीराची महालक्ष्मी तू डहाणू प्रगट झाली।

लोणावळ्याजवळील खंडाळा घाटात राजमाची पॉईंटजवळ, डोंगरे, कर्णिक, खोपकर, कोर्डे या कायस्थ बांधवांची देवी.
खंडाळा घाटात राजमाचीवर आहे तुझा ग वास।

सावरसई - पेण तालुका, दोंदे, वढावकर, मोकाशी, गुप्ते यांचे कुलस्वामी. कडापे गावात कालीकाईजवळसुध्दा ह्यांचे स्थान आहे.
हे गाव कडापा असे तुझे बस्तान। हे रान काटेरी करवंदीचे ठाण। त्या डोंगरामधूनी मिळे तुला बहुमान।।

जेजुरी गाव, पुणे फलटण मार्गावर मुळ शंकराचा अवतार.
जेजुरीच्या खंडेराया जागराला या! या!

पुणे सासवड दरम्यान मल्हारगड आहे तेथून 4 कि.मी. सोनेरी गावात खंडोबाचे रुप. बहिरवनाथ किंवा बहिरीबुवा या नावानेही संबोधतात.
मल्हारगडच्या बहिरीबुवा  जागराला या! या!

करवीरात कर ठेवूनी वसली ग लक्ष्मी।
तीनपीठात वसली माझी माय महालक्ष्मी।

हे आई गं अंबाबाई तू माझे तुळजापूरचे आई।
तुळजापुरचे आई ऐक आज नवी नवलाई।

आई रेणूका वसली आहे कडे पठारावरी।
शक्तीपीठाचे स्थान जणू ते आहे त्या माहुरी।

अर्ध्यापीठाची सप्तश्रृंगी तू सात डोंगरामधी।
चढे पायरी भक्तगणांची आस मनामंदी।